மருந்துகள் பற்றி அறிவோம்
Chlorpromazine
அறிமுகம்
Chlorpromazine எனும் மருந்தானது, பாரிய உளமாய நோயுடையவர்களுக்குப் பயன்படுத்தப்படும் முக்கிய மருந்துகளில் ஒன்றாக இருக்கின்றது. இது உளமாய நோய்க்கு எதிரான உபயோகிக்கப்பட்ட முதலாவது உளமாய எதிர்ப்பு மருந்தாகும்.
பொதுவான பயன்பாடுகள்
- உளப்பிளவை
- பித்து போன்ற ஏனைய நோய்களின் தீவரத் தன்மையைக் கட்டுப்படுத்தல்
- வயிற்றுப் பிரட்டல், சத்தி
- கட்டுப்படுத்த முடியாத விக்கல்
பொதுவான பக்கவிளைவுகள்
- Extra Pyramidal Side effects (மருந்தின் அளவு கூடும் போது)
- உடற் தசையில் (பொதுவாக முகம், கழுத்தையண்டிய தசைத் தொகுதிகளில்) சடுதியான சுருக்கம் ஏற்படல்
- ஓரிடத்தில் இருக்க முடியாமமை, கால்களை அசைத்துக் கொண்டிருக்க வேண்டும் போன்ற உணர்வு
- கை கால் நடுக்கம், தசை இறுக்கம், உடற் செயற்பாடுகளின் வேகம் குறைவடைதல் போன்ற பாக்கின்சன் நோயின் அறிகுறிகள்
- நீண்ட காலம் உபயோகிக்கின்றபோது, உதடுகளைச் சப்புதல், தன்னிச்சையான நா அசைவுகள், மற்றும் தன்னிச்சையான ஏனைய அசைவுகள் ஏற்படுதல்
- Prolactin எனும் ஓமோன் அதிகரிப்பதனால் (ஆண்களில்) மார்பகங்கள் பருத்தல், மார்பகங்களிலிருந்து பால் சுரத்தல், மாதவிடாய் ஏற்படாத நிலை போன்றன ஏற்படலாம்.
- இருந்து விட்டு எழும்போது குருதி அமுக்கம் குறைவடைதலும், தலை சுற்றுதலும்
- நித்திரை, தூக்கக் குணம்
- நிறை அதிகரிப்பு
- நா வரண்டுபோதல், நாக்குளறுதல்
- சலம் போவதில் சிரமம், மலச்சிக்கல்
- பார்வை தெளிவற்றதாக மாறுதல்
- பாலியல் செயற்பாடுகளில் பிரச்சினைகள்
அரிதாக ஏற்படும் பக்கவிளைவுகள்
- வலிப்பு
- மஞ்சட் காமாலை
மருத்துவரை நாடவும்
பொதுவான பக்கவிளைவுகள் ஏற்பட்டால், அதுபற்றி உங்களுக்குச் சிகிச்சையளிக்கும் மருத்துவரிடம் தெரிவிக்கவும். அரிதான, தீவிரமான, அல்லது கரிசனைக்குரிய வேறு பக்கவிளைகள் ஏற்படுமிடத்து, அருகிலுள்ள ஒரு வைத்தியரை, அல்லது வழமையாகச் சிகிச்சையளிக்கும் உளமருத்துவரை நாடவும்.