மருந்துகள் பற்றி அறிவோம்
Haloperidol
அறிமுகம்
Haloperidol எனும் மருந்தானது, பாரிய உளமாய நோயுடையவர்களுக்குப் பயன்படுத்தப்படும் முக்கிய மருந்துகளில் ஒன்றாக இருக்கின்றது. இது நோய் நிலமைகளை உடனடியாகக் கட்டுப்பாட்டினுள் கொண்டு வருவதற்குரிய ஊசி மருந்தாகவும், குளிசையாகவும், நீண்டகாலம் உடலில் நின்று பலனளிக்கக் கூடிய ஊசி மருந்தாகவும் பயன்படுத்தப்படுகின்றது.
பொதுவான பயன்பாடுகள்
- உளப்பிளவை
- இருதுருவ மனோபாவக் கோளாறு
- ஆக்ரோஷமான, கட்டில்லா நடத்தைகளைக் கட்டுப்படுத்தல்
- Tics / Tourette’s Syndrome
பொதுவான பக்கவிளைவுகள்
- Extra Pyramidal Side effects (மருந்தின் அளவு கூடும் போது)
- உடற் தசையில் (பொதுவாக முகம், கழுத்தையண்டிய தசைத் தொகுதிகளில்) சடுதியான சுருக்கம் ஏற்படல்
- ஓரிடத்தில் இருக்க முடியாமமை, கால்களை அசைத்துக் கொண்டிருக்க வேண்டும் போன்ற உணர்வு
- கை கால் நடுக்கம், தசை இறுக்கம், உடற் செயற்பாடுகளின் வேகம் குறைவடைதல் போன்ற பாக்கின்சன் நோயின் அறிகுறிகள்
- நீண்ட காலம் உபயோகிக்கின்றபோது, உதடுகளைச் சப்புதல், தன்னிச்சையான நா அசைவுகள், மற்றும் தன்னிச்சையான ஏனைய அசைவுகள் ஏற்படுதல்
- Prolactin எனும் ஓமோன் அதிகரிப்பதனால் மார்பகங்கள் பருத்தல், மார்பகங்களிலிருந்து பால் சுரத்தல், மாதவிடாய் ஏற்படாதநிலை போன்றன ஏற்படலாம்
- நித்திரைத் தூக்கம்
- வாய் உலர்தல், நாக்குளறல், பார்வை மங்கலாதல்
- உடல் உளச் சோர்வு
அரிதாக ஏற்படும் பக்கவிளைவுகள்
- வலிப்பு
- மஞ்சட் காமாலை
மருத்துவரை நாடவும்
பொதுவான பக்கவிளைவுகள் ஏற்பட்டால், அதுபற்றி உங்களுக்குச் சிகிச்சையளிக்கும் மருத்துவரிடம் தெரிவிக்கவும். அரிதான, தீவிரமான, அல்லது கரிசனைக்குரிய வேறு பக்கவிளைகள் ஏற்படுமிடத்து, அருகிலுள்ள ஒரு வைத்தியரை, அல்லது வழமையாகச் சிகிச்சையளிக்கும் உளமருத்துவரை நாடவும்.